काठमाडौं । को एक अनुसन्धानले गत महिनाको अशान्ति कुनै आकस्मिक दङ्गा नभई, विनाशको एक समन्वयात्मक अभियानतर्फ संकेत गर्ने निष्कर्ष निकालेको जनाएको छ।भदौ २४ गते नेपाल सरकारका धेरैजसो संरचनाहरू एकै दिउँसो जलेर खरानी बने । देशभर फैलिएका आगजनीका घटनाहरूमा ऐतिहासिक सिंहदरबार र सर्वोच्च अदालतदेखि लिएर भव्य मन्त्रालय र सामान्य वडा कार्यालयहरूसम्म सयौँ सरकारी भवनहरू ध्वस्त गरिए ।

राजनीतिक अभिजात वर्गसँग जोडिएका व्यवसाय र विद्यालयहरूसँगै, वर्तमान तथा अवकाशप्राप्त राजनीतिज्ञहरूको घरसहित सयौँ अन्य निजी सम्पत्तिहरू पनि योजनाबद्ध रूपमा निसाना बनाइएका थिए । यो व्यापक आगजनी राजधानी काठमाडौंमा सुरक्षाकर्मीहरूले भ्रष्टाचारविरुद्ध प्रदर्शनरत १९ जना प्रदर्शनकारीलाई गोली प्रहार भएको अघिल्लो दिनको घटनापछि भएको थियो । यसमा युवा प्रदर्शनकारीहरूको भीडले बदला खोज्दै, हत्याको आक्रोशमा आगो लगाएको बताइएको थियो ।