युक्रेनी राष्ट्रपति भोलोडिमिर जेलेन्स्कीले   रुसी आक्रमणबाट किभमा एक बच्चासहित आठ जनाको मृत्यु भएको बताएका छन्।यसैबीच गृहमन्त्री इहोर क्लाइमेन्कोले  मृत्यु हुनेमा दुई बालबालिका पनि रहेको बताए। किभका मेयर भिटाली क्लिट्स्कोले विशाल ड्रोन र मिसाइल आक्रमणमा कम्तिमा ३८ जना घाइते भएको बताए। उनले रुसमाथि नयाँ र कडा प्रतिबन्ध लगाउनुपर्ने आवश्यकता पनि दोहोर्‍याए।बुधबार रूसी ड्रोन आक्रमणले युक्रेनको ऊर्जा पूर्वाधारमा क्षति पुर्‍याएपछि यो क्षेप्यास्त्र आक्रमण भएको हो। यसले गर्दा १,००,००० भन्दा बढी युक्रेनी घर बिजुलीविहीन भएका छन्।

रूसले युक्रेनको राजधानी किभ र वरपरका जिल्लामा ६३१ भन्दा बढी ड्रोन र मिसाइल प्रहार गरेको छ। आक्रमणमा कम्तीमा १२ जनाको मृत्यु भएको छ जसमा बालबालिका पनि छन्। युक्रेनी सेनाले धेरै आक्रमणहरू रोक्न सफल भएको छ। भवनहरूमा ठूलो क्षति पुगेको छ। राष्ट्रपति जेलेन्स्कीले युद्धविराम प्रयासका बीच रूसको आक्रमणलाई निन्दा गरेका छन्।